Cazón mecháu y asáu sobre cebolla confitada

El so cuerpu ye allargáu y esbeltu. Tien 2 m. de llargor. Presenta cinco abertures branquiales. La so cabeza ye grande, col focicu allargáu, deprimíu y daqué agudu. La boca ye mui curva, colos dientes agudos y cortantes, con punta principal y otres accesories. El pelleyu tienlu finamente granuláu.

L’ala dorsal ye doble. La primera delantre de les ventrales y cerca de les pectorales, la segunda asemeyada y opuesta a l’anal. Les ales pectorales tienles anches. El so color ye buxu nel llombu, lo mesmo que nos llaos y parte de les ales. El vientre tienlu ablancáu.

El cazón suel allegase a la costa pel branu pa reproducise.

Platu fechu por Francisco Javier Marcos Rodríguez, restaurante “La Marea”, Xixón.

En primer llugar mechamos el cazón con tires de bacon. Depués tayamos la cebolla n’aros y cocémoslo adulces 20 minutos hasta que-y cambie’l color a dorao.

Per otru llau asamos a fornu moderáu’l pexe con un chorrín d'aceite y una taza d’agua 10 minutos. Ver semeya.